Анчелоти: Тешко е да се победи на „Метаља“

Денеска се игра дербито во Примера дивизија меѓу тимовите на Валенсија и лидерот на табелата Реал Мадрид.
Кралскиот клуб е во неверојатна серија од 22 победи по ред и му недостасуваат уште две победи за да го изедначи светскиот рекорд на Ајакс.
Денеска гостува на „Метаља“ и дуелите меѓу Валенсија и Реал Мадрид секогаш изобилувале со голови, борба, но и тензии на теренот.
Тренерот на Реал Мадрид Италијанецот Карло Анчелоти предупредува дека денешниот натпревар е многу тежок и освојувањето на трите бода нема биде ни малку лесно.

– Валенсија играше одлично во првиот дел од сезоната. Го сменија својот стил во однос на минатата сезона. Посилни се и поопасни отколку лани, имаат цврста одбранбена линија. Ова ќе биде тежок натпревар, никој не победува така лесно на тој стадион – изјави Анчелоти во пресрет на натпреварот.

Валенсија го пречекува Реал денеска на домашен терен со почеток во 17 часот и тоа е прв натпревар за двете екипи во 2015 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.