Времето во Македонија ќе биде претежно облачно, а ќе има и повремени врнежи од снег со слаб интензитет особено во јужните делови од земјава.
Во попладневните часови врнежите ќе престануваат и ќе има извесно намалување на облачноста. Ќе дува умерен до засилен ветер претежно од северен правец кој повеќе ќе биде изразен на повисоките места и на планините.
Утринската температура ќе се движи од минус 15 до минус пет, а дневната од минус осум до минус еден степен. Во Скопје во текот на денот ќе има намалување на облачноста и ќе продолжи да дува умерен ветер од северен правец. Утринската температура ќе се спушти до минус девет, а дневната ќе се искачи до минус четири степени.
Во текот на новогодишната ноќ ќе се задржи умерено облачно и доста студено време. Температурата во земјава ќе се движи од минус 15 до минус четири, а во Скопје до минус девет степени. Ќе продолжи да дува умерен до засилен северен ветер.
Најстудено утро се очекува во петок кога температурата ќе се спушти од 20 до 11 степени. Дневната температура, пак, од петок ќе биде во постепен благ пораст и за време на викендот ќе достигнува од 5 до 5 степени.
До петок ќе се задржи многу студено време, особено во утринските часови, а ќе има и појава на голомразица. Ќе дува северен ветер повеќе изразен на повисоките места и на планините.
Од сабота се очекува постепено затоплување, односно покачување на дневната и на утринската температура.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
