Новогодишни подароци кои ќе го израдуваат вашето момче

Не знаете со што да го изненадите вашиот сакан за Нова година?

Ова се вистинските предлози за вас, кои нема да ве чинат многу, но сепак ќе го згреат срцето на вашиот партнер и од кои ќе се воодушеви.

Вратоврска

Новата вратоврска со која ќе го започне првиот работен ден од новата година е одличен подарок за вашиот партнер кој доколку обожава класични, квалитетни парчиња ова ќе биде полн погодок со кој ќе го освоите.

Чорапи

Звучи смешно, но, сепак, интересно и уникатно, купете неколку пара чорапи во неговата омилена боја со интересни дезени и завиткајте ги во црвена хартија. Сигурно ќе биде пријатно изненаден и ќе се насмее од срце кога ќе го отвори подарокот.

Комплет чаши за виски

Малку пософистицирано, но сепак уникатно. Секако, не го заборавајте вискито покрај комплетот чаши со кој ќе ја прославите Новата година заедно.

Шал или марама

Добро познато е дека момците денес се модерни колку и жените, а можеби и повеќе, па доколку вашето момче е еден од оние што ги следат трендовите, марамата или шалот во неговата омилена боја ќе биде совршен подарок за него.

Ваша заедничка фотографија

Одберете ја вашата омилена заедничка фотографија и ставете ја во убава новогодишна рамка. Верувајте дека со овој подарок романтиката ќе биде на ваша страна за време на новогодишната вечер, а вашиот сакан ќе се воодушеви од вашата оригинална идеја!

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.