Папата Франциск на синоќешната божикна миса ги повика верниците на поголемо сочувство кон семејството и кон пријателите кои имаат проблеми.
Тој, исто така, нагласи дека на светот му е потребно повеќе нежност и топлина.
На традиционалното обраќање на Божик во базиликата „Свети Петар“ во Ватикан, папата праша дали имаме храброст со нежност да ги прифатиме тешкотиите и проблемите на нашите блиски или повеќе сакаме безлични решенија кои се лишени од топлината на Евангелието.
Поглаварот на Римокатоличката црква укажа на болеста на рамнодушност кон другите, кога секој мисли само на себе и нема искреност и топлина на врските меѓу луѓето.
Тој ги повика арогантните и горди, затворени кон другите, да тргнат во пресрет на животот со добрина и со кроткост.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
