Перо Антиќ не настапи за Атланта хоукс против Лос Анџелес клиперс во новата победа на „јастребите“, четиринасетта во последните 15 натпревари.
Демар Керол со 25 поени беше нерешлива енигма за Клиперс кои прокоцкаа 13 поени предност и потклекнаа пред моќната маинерија од Атланта. Мечот беше возбудлив, особено во финишот, но Хоукс беа подобри и славеа со 107-104. Антиќ одмори, а се очекува да настапи на следниот меч во сабота наутро против Милвоки бакс.
Програмата од вкупно 11 натпревари ја одбележаа извонредните индивидуални партии на Демиен Лилард и на Расел Вестбрук на мечот меѓу Портланд и Оклахома. Бекот на Трејлблејзерс Лилард постигна 40 поени, а особено беше важна тројката за израмнување во регуларниот дел на 3 секунди до крајот. По едно продолжение славеше Портланд со 115-111, а идентичен учинок од 40 поени кај поразениот тим имаше Вестбрук.
Останати резултати: ЛА лејкерс – Голден Стејт 115-105, Феникс – Далас 124-115, Бруклин – Денвер 102-96, Мајами – Филаделфија 87-91, Милвоки – Шарлот 101-108, Кливленд – Минесота 125-104, Вашингтон – Чикаго 91-98, Орландо – Бостон 100-95, Индијана – Њу Орлеанс 96-84.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
