Палестинскиот претседател Махмуд Абас изјави дека ако во Обединетите нации не се изгласа предлог-резолуцијата на Палестинците, тие ќе ги прекинат преговорите со израелската Влада.
– Ако поднесената предлог-резолуција за ставање крај на окупацијата не биде изгласана во Советот за безбедност ќе бидеме принудени да преземе неопходни политички и правни решенија. Во случај на неуспех повеќе нема да преговараме со израелската Вчада, која ќе биде принудена да ја преземе одговорноста како окупатор, посочи Абас.
Палестинците минатата недела до СБ на ОН поднесоа предлог-резолуција, со која се предлага да се постигне мировен договор со Израел во рок од 12 месеци и Израел да се повлече од окупираните територии пред крајот на 2017 година.
Абас посочи дека ќе бара враќање на бегалците и ослободување на сите Палестинци во израелските затвори.
– Палестина на крај ќе извојува својата независност и ќе биде независна држава со Ерусалим како глацвен град. Палестинската кауза во исто време е и клуч кон мирот и кон војната во Блискиот Исток, наведе Абас, кој е во посета на Алжир.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
