Актуелните европски шампионки, ракометарките на Црна Гора, со вчерашната најважна победа на Европското првенство, што се одржува во Унгарија и Хрватска, над Шведска со 30-29 останаа во трката да го бранат европскиот трон.
Со оваа победа Црна Гора се пласираше на првото место со осум бода во новоформираните групи и со тоа се пласира во полуфиналето, каде што на мегдан треба да се сретнат со репрезентацијата на Шпанија која вчера, исто така, победи против репрезентацијата на Данска со 29-22.
Најдобар натпревар во досегашниот дел од шампионатот одигра членот на македонскиот шампион Јованка Радичевиќ, која е творец на целосниот резутатски пресврт со девет гола од кои шест од пенал.
По првиот дел Црна Гора беше во негатива од пет гола разлика 13-18.
Второто полуфинале ќе биде битка за Скандинавија, а во неа ќе се сретнат Шведска и Норвешка.
Шведска пред ова коло беше на првото место во групата 2, но со едниствениот пораз досега на шампионатот токму од Црна Гора можеше лесно да го загуби местото кое води во полуфиналето. За тоа им помогнаа Французинките кои покрај тоа што одиграа за Шведска со вчерашната победа над Холандија се изборија за натпревар за петтото место кое води на Олимписките игри во Рио де Жанеиро.
Норвешка со вчерашниот пораз од кодомќинот Унгарија (25-29) воопшто не си ја расипа позицијата на табелата. Убедливо се пласираше на првото место и е можеби најсериозниот кандидат за освојување на тронот.
Втора од групата 1, репрезентацијата на Шпанија сама одлучуваше за пласманот. „Црвената фурија“ само со победа беше сигурна во пласманот и тоа се оствари со високата победа над директниот конкурент Данска од 29-22.
Од оваа група како третопласирана репрезентација се пласираше Унгарија и ќе води битка за петтото место со Франција.
Поуфиналните натпревар и натпреварот за петтото место се играат во петок.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
