Кошаркарите на Мемфис гризлис беа екстра мотивирани во дуелот со Голден стејт вориорс и ја сопреа серијата на противникот до 16 победи по ред, со триумф од 105-98.
Клучен период беше стартот на втората четвртина кога домаќините направија серија од 20-0, а блескаше ветеранот Винс Картер со 11 поени во блескавата низа. Картер вкупно постигна 16 коша и беше движечката сила на Гризлис за слатка победа против ривалот за првото место во Западната конференција. Голден стејт се уште имаат најдобар скор од 21-3, а со 16 победи во низа поставија клупски рекорд. Мемфис е зад нив со биланс од 20 победи и 4 порази.
Покрај Картер извонредно кај Мемфис одиграа и марк Гасол со 24 поени, потоа и Рендолф и Конли со по 17 поени. Кај поразените стандардно најдобро беше дуото репрезентативци на САД, Томпсон со 22 поени и Кари со 19 поени.
Резултати: Мемфис – Голден стејт 105-98, Вашингтон – Минесота 109-95, Бруклин – Мајами 91-95, Њу Орлеанс – Јута 119-111, Њујорк – Далас 87-107, Сакраменто – Оклахома 92-104.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
