Во центарот на Сиднеј повеќе од седум часа трае заложничка драма откако вооружен напаѓач влетал во кафуле и при тоа задржал непознат број заложници. Полицијата го блокираше целосно тој дел од градот во кој се наоѓаат државни институции и седишта на голем број компании, а евакуиран е и сиднејскиот плоштад.
Кафе-продавницата за чоколади „Линт“ е опколена од неколку стотини полицајци.
Преку прозорците од кафулето се гледаат лица на престрашени луѓе и поставено црно знаме со арапски букви. Очевидци тврдат дека на знамето пишувало „Нема Бог до Алах, Мухамед е божји гласник“.
Според тамошните медиуми кои известуваат од самото место, досега пет луѓе истрчале од кафулето.
Прво излегле тројца мажи, по шест часа од почетокот на драмата, а час подоцна со трчање излегле и две жени. Не е познато дали избегале или биле ослободени од напаѓачот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
