Израелскиот премиер Бенјамин Нетанјаху најави дека ќе му порача на државниот секретар на САД Џон Кери дека Израел ќе се спротивстави на секој обид на ОН да одреди рок за повлекување од териториите на кои Палестинците сакаат да основаат своја држава.
Нетанјаху и Кери ќе се сретнат утре во Рим, да дискутираат за различните предлози за палестинска држава, кои во моментот циркулираат, најави Стејт департментот.
Кери потоа ќе се сретне со главниот палестински преговарач Саеб Ерекат и со делегација на арапски министри за надворешни работи во Лондон во вторник. Тие ќе апелираат на САД да не го искорист правото на вето во СБ на ОН да ги блокира тие предлози, изјавија палестински претставници.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
