Европскиот „Оскар“ за филмот „Ида“

Филмот „Ида“ на полскиот режисер Павел Павликовски е победник на годинешната доделба на европските филмски нагарди (ЕФА).

Овој филм македонската публика имаше можност да го гледа на годинешниот „Синедејс“ во скопското кино „Милениум“.

Филмот „Ида“ освои пет признанија: за најдбар европски филм, за најдобар режисер, сценарио, камера и награда од публиката.

Приказната во филмот е сместена во почетокот на 60-те години на минатиот век. Станува збор за 18-годишната Ана која расте без родители. Пред да стане калуѓерка, дознава дека има тетка по мајка, Еврејка.

Познатата француска режисерка Ањес Варда доби награда за животно дело, а британскиот режисер Стив Меквин доби награда за европски придонес во светската кинематографија.

– Филмот може да го промени животот и сигурно го смени и мојот – изјави Меквин, кој наградата ја доби од Вим Вендерс.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.