Мандолинскиот оркестар на Младинскиот културен центар (МКЦ) од Скопје, под диригентската палка на Ванчо Јовчев, со успех учествуваше на Меѓународниот фестивал за хорови и оркестри што од петти до осми декември се одржа во Прага, Република Чешка.
Оркестарот настапи во престижната катедрала „Сент Салвадор“ и се претстави со дела од Шуберт, Родриго, Вилијамс, a особено инспирирани аплаузи добиле со изведбата на делата од македонските композитори, Цанев, Шуплевски, Тошевски, Трајковски.
– Посебен куриозитет беа композициите во чија блескава изведба како солист учествуваше нашиот млад и веќе докажан виртуоз на виолина Ева Богоевска – велат од МКЦ.
На шестото издание на фестивалот, што има ревијален карактер, годинава учествуваа ансамбли и хорови, од Турција, Латвија, Германија, Литванија, Словенија, Италија и Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
