Рапер си ја застрелал сопругата, па се самоубил

Американската актерка и танчарка Стефани Мозли и нејзиниот сопруг, раперот Ерл Хејс, биле пронајдени застрелани и мртви во нивниот дом во Лос Анџелес, пренесуваат американските медиуми.

Телата на сопружниците биле пронајдени во крв во спалната соба на нивната куќа во понеделникот наутро, кога и се случувала целата драма.

Според очевидците, во 7.30 часот наутро по локално време се слушнале околу 10 истрели и извици на жена. Соседите веднаш повикале помош, но кога полицајцијата пристигнала веќе било тивко.

Вратата на спалната соба била заклучена, и додека полицајците се обидувале да влезат внатре се слушнале уште два куршума. Тогаш тие ја скршиле вратата и ги пронашле телата на сопружниците.

Првичните информации се дека раперот прво ја убил својата жена, а потоа и самиот си го одзел животот. Според извори блиски до двојката, тие биле пред развод.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.