Запишано е! Од Ерусалим во Македонија ќе појдеш! – една година подоцна МНТ со маратон за граѓаните

–      Кол­ку е бли­ску сон­це­то!

Ко­га Ве­ра Вуч­ко­ва на 3 април 1945 го­ди­на ја ка­жа­ла пр­ва­та реп­ли­ка во пре­пол­ни­от са­лон на Ма­ке­дон­ски­от на­ро­ден те­а­тар не ни со­ну­ва­ла де­ка овие збо­ро­ви ќе ù обез­бе­дат ме­сто во ме­мо­а­ри­те на ма­ке­дон­ска­та кул­ту­ра…

-Запишано е! Од Ерусалим во Македонија ќе појдеш!

Петар Темелковски на 7 декември 2013 година ја кажа првата реплика во преполниот салон на Македонскиот народен театар. Тој ги кажа зборовите кои ќе му обезбедат место во мемоарите на македонската култура… Вечната куќа долго ќе се памети – сцената на сегашните и идните актери, сцената која пред една година потсети и на старите актери кои играле во некогашниот театар…

Една година подоцна Македонскиот народен театар денеска со целодневен театарски маратон одбележува една година од работата во новиот објект и првата премиера на новата сцена.

Маратонот ќе почне во 11 часот со претставата „Госпоѓа министерка“, по која ќе следуваат: „Сомнително лице“ во 14 часот, „Свадбата на Фигаро“ во 16 часот и „Изгубени Германци“ во 18 часот.

Од 18.30 ќе има поетска вечер посветена на Блаже Конески, првиот драматург во МНТ, а во 20.15 часот на Чај за двајца ќе гостува Јордан Плевнеш и ќе биде промовирано печатеното издание на неговата драма „Вечната куќа“  со која лани на 7 декември ансамблот на МНТ почна да работи во новиот објект.

Централен настан ќе биде концертот „МНТ и пријателите“ од 21.30 часот, на кој ќе учествуваат актерите од ансамблот на МНТ и актери од другите театри. Влезниците за секоја претстава и за концертот се по 50 денари.

За една година во новата театарска зграда биле изведени повеќе од 150 претстави и ги посетиле 83.000 гледачи. Во првата година од работењето МНТ имаше пет премиери и беше домаќин на првиот Меѓународен театарски фестивал.

МНТ ќе има и богата современа музејска поставка која во иднина ќе се дигитализира, а во подготовка е и специјална монографија која ќе излезе идната година кога театарот ќе одбележи 70 години постоење.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.