Берлускони вети нов стадион за Милан

Barbara-Berlusconi-AC-Milan
Претседателката на италијанскиот фудбалски прволигаш Милан, Барбара Берлускони, говорејќи за плановите на калчолигашот, најави дека клубот до 2020 година ќе се пресели на нов стадион.
– Милан ќе добие нов модерен стадион. Макетата на стадионот е речиси готова. На почетокот од 2015 година ги очекуваме првичните реакции, а потоа ќе се планира изградбата. Планот е целиот проект да биде реализиран до 2020 година, изјави Берлускони.
Таа додаде дека во изградбата на стадионот нема да има никакви финансиски проблем, поради, како што рече, големата заинтересираност на многу компании да бидат вклучени во проектот.
Милан своите натпревари како домаќин ги игра на „Сан Сиро“ уште од далечната 1926, а од 1947 година стадионот во Милано го дели со градскиот ривал Интер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.