Пратениците од ВМРО-ДПМНЕ го осудија нападот врз домот на Буралиева

Пратеничката група на ВМРО-ДПМНЕ најостро го осудува инцидентот во кој домот на пратеничката Љубица Буралиева беше цел на закани и притисоци во вид на пораки со недолична и навредлива содржина.

-Пратениците од Пратеничката група на ВМРО-ДПМНЕ не поддржуваат и не се согласуваат со било каков чин на насилство или насилничко однесување врз колегите пратеници без разлика на нивната политичка определба. Како пратеници во Собранието на Република Македонија сметаме дека ова однесување е незрело и срамно, бидејќи токму пратениците се претставници на граѓаните во Собранието на Република Македонија, се вели во соопштението од Пратеничката група.

Во таа насока, Пратеничката група на ВМРО-ДПМНЕ апелира до надлежните институции во најкраток можен рок да се пронајдат виновниците за овој немил настан, со цел да се утврди позадината на овој инцидент, но и со цел спречување на вакви исти или слични немили настани да се случуваат и во иднина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.