Вистинска пролетна температура на почетокот на новата недела. Но, таквата температура нема да се задржи во текот на целата недела. За крајот на неделата на повисоките места може да се очекува и снег.
Денес дневната температура ќе достигне од 14 до 21 Целзиусов степен. Во Скопје времето ќе биде сончево со мала до умерена облачност, како и со слаб до умерен јужен ветер, со температура до 20 степени.
Преку денот ќе дува слаб до умерен ветер од јужен правец, но во одделни области, особено во Повардарието, Пелагонија и во осоговскиот регион, како и на повеќето повисоки места и на планините, ќе дува засилен јужен ветер.
Во наредните денови ќе има променливо облачно време, со повремени сончеви периоди и со повремени локални врнежи, особено во западните делови. Температурата ќе има тенденција на опаѓање, а пообилни врнежи се очекуваат особено во втората половина од неделата, односно в четврток, а в петок се очекува во некои делови и на повисоките места да паѓа и снег.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
