Во најквалитетната кошаркарска лига, НБА, синоќа беа одиграни дури 13 натпревари.
Екипата на Кливленд Кавалирс ги запали турбините. Екипата на Дејвид Блат се повеќе личи на тим кој ќе се натпреварува за титулата. На своја кожа тоа го осетија Вашингтон Визардс, Кливленд предводени од Леброн, Ирвинг и Кевин Лав славеа со 113-87.
Леброн Џејмс се најде на чекор од трипл-дабл учинок, бидејќи натпреварот го заврши со 29 поени, 10 скока и 8 асистенции. Лав додаде уште 21 поен, а Кајри Ирвинг постигна 18 поени.
За 17 минути на паркетот, македонскиот кошаркар Перо Антиќ постигна пет поени во поразот на Атланта од Торонто со 115-126. Антиќ на тие пет поени дополни и три скока и една асистенција. ДеРозан го предводеше Торонто до триумфот со 27 постигнати поени.
Екипата на Портланд дојде до деветтата победа во низа откако синоќа го совлада Шарлот со резултат 105-97. Најзаслужен за победата беше Весли Метјуз кој постигна 28 поени.
Лејкерси доживеаја нов пораз, овој пат од Мемфис со 93-99. Коби Брајант беше најефикасен во својата екипа со 22 поени, но и шут од игра 5/15.
Далас славеше против Њујорк, а Оклахома конечно ја прекина серијата од шест порази, славејќи против Јута со 97-82.
НБА РЕЗУЛТАТИ: Шарлот – Портланд 97-105, Кливленд – Вашингтон 113-87, Орландо – Голден стејт 96-111, Филаделфија – Бруклин 91-99, Атланта – Торонто 115-126, Далас – Њујорк 109-102 (пр.), Детроит – ЛА Клиперс 98-104, Хјустон – Сакраменто 102-89, Минесота – Милвоки 86-103, Оклахома – Јута 97-82, Сан Антонио – Индијана 106-100, Феникс – Денвер 120-112, ЛА Лејкерс – Мемфис 93-99
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
