Стевче не му ја дава пак општината на Андреј

Еднаш на Андреј Петров му ја дадов општината кога станав министер за труд и социјала , а тој единствено во мандатот си направи водовод и канализација до местото каде живееше, рече кандидатот за градоначалник на Карпош Стевче Јакимовски на митингот пред граѓаните на Тафталиџе 2.

,,Ни Фуле ни свети Фуле не можеа да ме разубедат , не сум јас како оние што на 16- ти не сакаа да слушнат за избори и ме прогласија за предавник , за по две недели и тие да се приклучат , ама неподготвени , со набрзина напишана советничка листа и без програма”.

Јас се рекламирам зашто имам со што , а не како другите што не сакаа да одат на избори , па сега немаат ниту програма , ниту знаат со што да се рекламираат .

За мене зборува се што сум направил во Карпош , каде има највисок стандард во образованието , инфраструктурата , детската заштита , каде сум вработил 500 луѓе откако сум градоначалник , а ќе продолжам со уште посилно темпо за да ги достигнеме европските стандарди .

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.