За време на викендот дури 278 дечиња биле третирани во Ургентниот центар на Клиниката за детски болести, пренесува Здравство24. Според директорката на клниката Аспазија Софијанова, ова е рекордна бројка на болни деца. Од температура до дехидратација. Дел биле само прегледани но дел и хоспитализирани поради сериозност на клиничката слика. Според извештајот на дежурните во Ургентен, изминатите два дена доминирале стомачни инфекции со проливи и повраќања кои доведувале и до дехидрирање кај децата па дел биле и задржани на клиниката. Според др. Софијанова во овој дел лекарите с епосебно внимателни бидејќи стомачните болки, односно вирозите кај децата често поминуваат во бактериоза. За големиот број на болни, според Софијанова влијание има и променливото време како и аерозагадувањето кое негативно влијае кај децата. Влијание има и храната па затоа препораката на педијатрите е што повеќе здрава исхрана.
Преполно е и во болницата за белодробни заболувања кај децата – Козле. Имаат тројно повеќе хоспитализирани пациенти од предвидените, односно, расположливите капацитети. Ако треба 34, во Козле има 98 болни деца кои лежат во болница.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
