Се санира земјиното тло под вредниот иконостас на црквата „Свети Јован“ во Крушево, информираат од Министерството за култура, кое ги обезбеди средствата за санацијата.
– Во изминатиот период е забележано слегнување на земјиното тло под овој значаен објект од сакралната архитектура со што е загрозен вредниот иконостас кој пленува со својата грандиозност и копаничарска изведба во плитка резба. За таа цел стручните екипи на Заводот за заштита на спомениците на културата и музеј Прилеп изработија проект и започнаа со санација на земјиното тло. Санацијата треба да биде завршена до крајот на годинава – велат од Министерството.
Црквата „Св. Јован“ или кај народот позната уште и како Влашка црква е трикорабна базилика, изградена кон крајот на 19 век, а целосно завршена во 1904. Во црквата во која нема живопис, доминира дрвен иконостас изработен од браќата Несторови, чија изработка траела околу четири години.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
