Во Тетово се регистрирани најмногу заболени од грип, вкупно 111 случаи, информира Институтот за јавно здравје. Изминатата недела биле пријавени 98 новозаболени од грип. Вкупната бројка од почетокот на сезоната е 368.
Во споредба со истиот период минатата година (165 заболени), постои зголемување на вкупниот број пријавени случаи за 2,2 пати, а во однос на просекот за 10-годишниот период (38) се регистрира зголемување за 9,7 пати.
Заболени лица за целата оваа сезона се пријавени во 19 градови, но во 13 од нив бројот на регистрирани е помал од 10.
Дистрибуцијата на заболените од грип по месеци укажува дека во октомври се пријавени 270 случаи со симптоми на грип (73,4 проценти), а во ноември 98 случаи или 26,6% од вкупниот број во целата сезона.
Најголем број на заболени се пријавени во возрасната група која опфаќа најголем дел од населението (од 15-64 години) – 205 случаи (55,7 проценти).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
