Во дербито на вечерта во најсилната кошаркарска лига, Голден стејт на домашен паркет беше подобар од Бруклин со резултат 107-99, додека, пак, Мемфис со кош во последната секунда го совлада Сакраменто.
По двата пораза во низа, Вориорс, конечно, победија. Клеј Томпсон постигна 25 поени, а сите останати од стартната петорка на Вориорс постигнаа двоцифрен број поени во победата над Бруклин со резултат 107-99.
Далас ѝ го нанесе најтешкиот пораз на Филаделфија во нејзината историја, во победата од 123:70 сите играчи на Далас постигнаа најмалку два поени, најефикасен беше Дирк Новицки со 21 поен. Филаделфија го забележи осмиот пораз во сезоната, овој тим сѐ уште е без победа, а во поразот од Далас единствена светла точка беше Мајкал Картер Вилијамс со 19 поени, 8 скока и со 5 асистенции.
Мемфис Гризлис ја презедоа лидерската позиција на западот и тоа со победа во последната секунда од натпреварот против Сакраменто. Мемфис, предводен од Конли и Гасол и со кошот на Ли во последната секунда славеше со резултат 111-110.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
