Шампионот на Франција ПСЖ постигнува резултати далеку од очекуваните, па затоа претседателот на клубот Насер Ал Калифи сака да го смени од клупата тренерот Лорен Блан. Како што пренесуваат шпанските медиуми, тренерот на шпанскиот првак Атлетико Мадрид, Диего Симеоне е најсериозниот кандидат да го замени Блан.
Атлетико Мадрид на чело со Симеоне минатата сезона ја освои титулата во Примера, а играше и во финалето на Лигата на шампионите каде загуби од Реал Мадрид.
Оваа сезона и покрај што беа продадени неколку клучни играчи, Симеоне со Атлетико се наоѓа на третото место на табелата со еден бод помалку од лидерот Реал.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
