За еден ден 4 милиони прегледи на „Јутјуб“: божикна реклама која ќе ве воодушеви (видео)

Секоја година речиси во исто време британската стоковна куќа „Џон Левис“ објавува реклама која веќе традиционално во Велика Британија го означува почетокот на претстојните празници.

Рекламата е поставена на „Јутуб“ вчера, а веќе има четири милиони прегледи. Изгледа дека и оваа година повторно имаат хит, што и не е чудно кога ќе се земе предвид фактот дека за целата божикна кампања се потрошени седум милиони фунти, а самата реклама чини еден милион фунти.

Ѕвезди на овогодишната реклама се малиот Сем и неговиот пријател, пингвинот Монти, кој, како што се приближува Божик, станува осамен.

Минатата година рекламата, во која главни улоги имаат мече и зајак, била прегледана 13 милиони пати, а оваа веќе има четири милиона.

Овогодишната реклама е со наслов „ Божикот на Монти“. Погледнете ја!

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.