Со повеќе од 80 манифестации Град Скопје оваа година ќе го прослави 13 Ноември, Денот на ослободувањето. Манифестацијата, која го носи името „Скопје слободно чекори напред“, почна со одбележување на 9 октомври, а ќе трае сѐ до 12 декември.
Главната манифестација која ќе се одржи на 13 Ноември ќе биде одбележана со положување цвеќе, крводарителска акција, спортски турнири, детски ликовни конкурси, ноќен маратон, како и свечена академија на која ќе се доделуваат наградите „13 Ноември“ во МНТ, каде што потоа ќе следува музичко-сценска изведба.
– Најпрво треба да им се заблагодариме и да им оддадеме почит на борците кои ни го овозможија овој 70-годишен јубилеј. За оваа година предвидовме богата програма, во која освен основните настани како финалните натпревари на Златен гонг, Златно славејче, крводарителска акција, ноќниот маратон и многу други, имаме и богата музичко-сценска изведба за која се погрижи Наташа Поплавска – изјави градоначалникот Трајановски.
Во реализацијата на настаните главен организатор е Град Скопје, во соработка со Музејот на град Скопје и Арт-медиа, а манифестациите се поддржани и од сите скопски општини, средните и основните училишта, спортските федерации и други владини и невладини институции.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
