Секретарот и благајникот на Средното општинско училиште „Методи Митевски – Брицо“ од Делчево од денеска се суспендирани од работните места.
Суспендирањето е извршено со налог од в.д. директорката Билјана Петровска, а за тоа е известен и градоначалникот на Делчево Дарко Шехтански, како и другите надлежни органи и институции.
– Неможноста да се подели платата на вработените за септември поради проблеми создадени пред моето именување за вршителка на должноста директор, односно поради отпорот на благајникот и секретарот да ги применат коефициентите за пресметка на плата утврдени од СОНК и Министерството за образование и наука, се причина за нивното суспендирање, изјави Петровска.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
