Српската ѕвезда Цеца, за мегаконцертот во Софија ќе допатува со приватен хеликоптер. Луксузниот лет е гест кон пејачката од мистериозен олигарх, чие име останува анонимно, соопштуваат бугарските медиуми. Хеликоптерот ќе биде испратен до Белград за да ја донесе Цеца до Софија. За време на летот за безбедноста на истиот ќе се грижат двајца специјално ангажирани пилоти од Франција. Пејачката побарала во хеликоптерот да биде обезбедено и од нејзиното сакано шампанско.
Цеца за својот најголем проект некогаш направен надвор од границите на Србија, пристигнува на денот на концертот, 7 ноември. Во арена „Армеец“ таа ќе се претстави со своите најголеми и незаборавни хитови. Шоуто ќе почне точно во 20.00 часот со настапот на музичарите од Џамбо Агушеви Оркестра, кои пак за нив побарале да бидат обезбедени 20 литри ракија, и тоа не било каква, туку малинова, произведена по специјална технологија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
