Гај Скот
Гај Скот ќе стане првиот бел претседател во Африка во последните 20 години, објави Ројтерс. Тој ќе ја преземе функцијата на досегашниот претседател на Замбија- Мишел Сата, кој почина на 77 -годишна возраст во англиска болница.
Економистот со шкотско потекло Скот беше потпретседател на Сата. Тој ќе биде на претседателската функција до изборите по 3 месеци. Ова е прави првиот бел африкански лидер, откако претседателот на Јужна Африка Де Клерк ги загуби изборите во 1994 година, со кој беше ставен крај на апартхејдот. Скот нема да се кандидира за претседател поради барањето за државјанство. Претседателот Сата, познат како кралот Кобра поради начинот на обраќање, почина во вторникот во лондонска болница. Владата не ја откри причината за неговата смрт. Тој е на претседателската функција од 2011 година. Сата беше познат како популист, бранител на правата на работниците, а поддршката за него се должеше на неговата критика против рударските компании кои вадат мед во земјата. Според аналитичарите неговата смрт може да биде проследено со скок на инвестициите во секторот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
