Две македонски компании добија европска награда за квалитет

Две македонски компании добија европска награда за квалитет што ја доделува „Глобал трејд лидерс клуб“ во Париз. За квалитет во гастрономија, ресторанство и хотелиерство наградата ја доби „Хацат“, а за квалитет во градежништвото компанијата „Адора инженеринг“.

Компанијата „Хацат“ работи од 2001 година. Основна дејност ѝ е производство, дистрибуција на оброци и кетеринг. Дневно произведува и испорачува околу 4.800 оброци (појадоци, ручеци и вечери) за потребите на Клинички центар – Скопје. Снабдува и дистрибуира оброци и за неколку градежни компании. Има имплементирано ХАЦЦП  и ИСО90001. Вработува 74 лица.

„Адора  инженеринг“ е специјализирана за изградба и за проектирање луксузни станбено-комерцијално и резиденцијални згради. Од страна на СГС е меѓународно сертифицирана градежна компанија за квалитет ИСО 90001 : 2008 со јасно дефинирана политика за квалитет и ИСО 14001: 2004 за заштита на животната средина.

Наградата на компаниите им беше доделена од страна на генералниот секретар  на „Глобал трејд лидерс клуб“, Рикардо Росо Лопез.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.