Корисник на социјални мрежи просечно разговара за секс со уште две лица покрај својот партнер, а истражувањата покажаа дека оваа „мода“ во светот станува се позастапена.
Некои луѓе флертот преку социјалните мрежи го сметаат опасен за врската, додека други мислат дека тоа не е ништо ново и дека луѓето отсекогаш биле склони кон тоа – ако немафизички контакт, нема ни прељуба. Тие веруваат дека интернет разговорите нема да ја загрозат врската се додека партнерот не е свесен за тоа што прави другата страна.
Резултатите од истражувањето на научниците од Универзитетот во Индијана покажуваат дека не постои врска меѓу „жешки“ разговори со спротивниот пол преку интернет и посветеноста на партнертот и врската.
Меѓутоа, ваквиот вид односи почесто се открива од класичните прељуби, затоа што останува забележан. Но, дури и самата свест за тоа дека сме направиле нешто што би го повредиле нашиот партнер ќе го промени начинот на кој го гледаме: ќе ни изгледа глупаво и наивно или повредено и беспомошно.
Ако не знаете дали тоа што го правите е прељуба или не, поставете си го себе си следното прашање: Дали ова би го вознемирило партнерот?
Ако одговорот е потврден – да, во прашање е прељуба. И ако продолжите со тоа, јасно ќе покажете дека не ви е грижа до неговите/нејзините чувства.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
