Младите жени од народот Јазиди кои беа киднапирани од своите домови беа продадени како сексуални робови. Една од нив им се обратила на курдските борци и ги замолила да го бомбардираат борделот во кој таа живее откако е киднапирана.
Борделот во кој се присилно работи девојката се наоѓа во западен Ирак, а за време на бруталниот масакр на планината Синџар во август таа им се обратила на Курдите надевајќи се дека тие ќе и ги скратат маките.
Девојката им открила дека била силувана милион пати, што веќе не може ни во тоалет да оди. Таа им признала дека сака да изврши самоубиство, па дури и ако ја ослободат. Таа и додала дека истата судбина ја дели со многу девојки кои биле киднапирани од своите домови и продадени како сексуални робинки.
Курдските активисти го прераскажале нејзиното искуство на борците. Според нивните зборови, девојката ги замолила да го бомбардираат борделот.
-Ако знаете каде сме, ве молам бомбардирајте ме. Нема живот по ова. Во спротивно ќе се убијам, зошто другите беа убиени утрово. Денеска ме силуваа 30 пати, а не е ни пладне. Не можам да станам од болки за да отидам до тоалет. Ве молам, бомбардирајте не!, им кажала девојката на Курдите, пренесува Дејли Мејл.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
