НБА лигата е во подготвителна фаза, а тимовите играат предсезонски натпревари како би ја темпирале формата за почетокот на сезоната. Во меѓусебниот дуел на ЛА Клиперс и Јута во преден план изби инцидентот меѓу Блејк Грифин и Тревор Бакер кој можеше да прерасне во сериозен проблем, но соиграчите на двајцата играчи ја смирија ситуацијата.
Блејк Грифин тргна на едно лесно положување, но Бакер направи груб прекршок по кој проба да се извини, но Грифин тоа не го прифати и тргна да се пресмета со противникот. Сепак ситуацијата ја смирија соиграчите и судиите.
По ова Грифин и порача на сите кои ќе го чуваат во долгата сезона која сеуште не е започната.
– Во предсезоната ми прават вакви фаули. Збеснав, но си реков дека ова момче не заслужува да се тепам со него. Постојано ми прават вакви фаули и ќе мора да го прекинам тоа. Кој ќе се обиде да стартува вака врз во мене во новата сезона, ќе го тепам! – изјави Грифин по натпреварот.
Новата сезона во НБА лигата започнува на 29 октомври.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
