Вишеградската четворка формира заедничка воена сила

Чешка, Унгарија, Полска и Словачка на вчерашниот самит во Варшава најавија дека ќе формираат заедничка воена сила.

Идејата за засилена воена соработка произлегува од потребата да се заштедат пари, соопшти Вишеградската четворка. Договорот предвидува заедничкиот воен состав до 3.000 војници да биде готов до 2016 година и треба да служи за операции како што се зачувување на мирот и за кризен менаџмент.

Четирите поранешни комунистички земји – познати како Вишеградската група – сега се членки на Европската унија и на НАТО.

На самитот присуствуваа и германската канцеларка Ангела Меркел и францускиот претседател Франсоа Оланд, кои ја поздравија одлуката.

– Ниту една земја не може сè да направи сама. Ангажирањето на Франција во Мали уште еднаш покажа колку е важно да биде придружувана од другите европски земји – изјави германската канцеларка Ангела Меркел.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.