Претседателот на САД, Барак Обама, ги повика лидерите на западните земји повеќе да се ангажираат во борбата против епидемијата на ебола, соопшти Белата куќа.
– Обама на видеоконференција ги повика лидерите на Велика Британија, Франција, Германија и на Италија да покажат поголема посветеност во глобалната борба во запирањето на епидемијата на смртносниот вирус, од кој досега починаа околу 4.500 лица – рече портпаролот на Белата куќа, Џош Ернест.
Претходно Советот за безбедност на ОН предупреди дека еболата претставува закана за меѓународниот мир и безбедност и апелираше до сите членки на ОН и хуманитарни организации да забрзаат и значително да ги зголемат ресурсите за борба против еболата, вклучувајќи парични донации.
Ова е првпат ОН да основаат мисија за одговор на некоја здравствена криза во светот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
