Тони Крос: Кристијано Роналдо е најдобар на светот

Германскиот интернационалец и фудбалер на Реал Мадрид, Тони Крос, изјави дека неговиот соиграч од тимот Кристијано Роналдо е најдобриот фудбалер на светот во овој момент.

Крос вели дека Португалецот му помогнал да се навикне на новата средина по доаѓањето од Баерн Минхен.

– Знам како е да си игра во тим што има одлични поединци. Сите се почитуваме, а тимската работа е на прекрасно ниво. Во овој момент не постои подобар фудбалер од Кристијано. Тој прв ми посака добредојде и ми помогна да се адаптирам. Тука е исто како во Баерн, сите очекуваат титула. Уживам во Мадрид, луѓето во клубот ми веруваат – изјави Крос.

Германскиот репрезентативец додаде дека не му е лесно да ги разбере своите соиграчи.

– Не е лесно да ги разберете поголемиот број на соиграчи или половина од тоа што го зборува тренерот. Засега само делумно ги следам, но кога се работи за моите задачи на теренот, со тренерот разговарам на англиски. Среќен сум што имам шанса да направам нешто ново, Реал е голем предизвик. Реал, Баерн, Барселона и Челси се моментно најголемите клубови во светот, така да еден великан заменив за друг – вели Крос.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.