Персоналот и гостите на хотелот во карантин три дена

Персоналот, вработени и гости во хотелот ќе бидат во карантин најмалку три дена.

Ќе бидат затворени и под лекарски и епидемиолошки надзор се до добивање на резултатите од лабораторијата во Франкфурт кои треба да покажат дали починатиот англичанец кој бил гостин во хотелот има ебола или друго заболување, пишува „здравство24“.

Како што велат епидемиолози за zdravstvo24.mk, карантинот е според меѓународните протоколи и може да биде и продолжен во зависност од резултатите.

Доколку е некој вид хеморагична треска, персоналот и гостите ќе бидат под надзор се до инкубацискиот период на болеста. Направена е и целосна дезинфекција на просторот како и на некои објекти во близина на хотелот. Потребните дезинфекциски мерки се направени и на Клиниката за Инфективни болести како и на возилото од Брза Помош.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.