Премиерот Груевски се сретна со американски конгресмени

Претседателот на Владата на Република Македонија Никола Груевски, денеска се сретна со членовите на Претставничкиот дом на Конгресот на САД, Мајк Тарнер, Лорета Санчез и Пол Кук.

Како што соопшти владината прес-служба, соговорниците позитивно ги оценија односите помеѓу двете земји, и на билатерално и на мултилатерално ниво, и ја истакнаа позитивната соработка помеѓу Република Македонија и Соединетите Американски Држави во сите сфери од взаемен интерес.

Двете страни ја истакнаа и, како што се наведува, значајноста на евроатланскиот интегративен процес на Република Македонија.

– Премиерот Груевски ги истакна реформите кои се преземаат за унапредување на можностите во сите општествени сфери и посветеноста за унапредување на стандардите и надминување на предизвиците кои се од интерес за интеграциите на нашата земја – се вели во соопштението.

Членовите на американскиот Конгрес, пак, го истакнаа позитивниот придонес кој македонските мировници го даваат во рамките на НАТО мисиите, и ја истакнаа поддршката на САД за членство на Република Македонија во Алијансата.

Соговорниците разменија мислење и за теми од регионален карактер.

Двете страни го истакнаа својот ангажман и заложбите за понатамошно продлабочување и унапредување на односите помеѓу двете земји

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.