Четиринаесетгодишно девојче е полесно повредено во пожарот што утрово околу 5 часот и 30 минути избувна во семејната куќа на прилепското шестчлено семејство Смугрески на улица „Јоска Јорданоски“ бро 116.
Пожарот го зафатил подрумот, а во паника членовите на семејството што побрзо да излезат од куќата скокале низ прозорец при што полесно е повредено девојчето.
Пожарникарите изутрината биле повикани во 5.30 часот и веднаш интервенирале со две возила.
– Констатирано е дека е зафатен подрумот и дел од меѓукатната конструкција. Во визбата имало зимница и сандак за длабоко замрзнување – вели Станко Колески, командир на Прилепската противпожарна единица.
Причината и штетите од пожарот сѐ уште не се утврдени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
