Претседателот на партијата и носител на листа на советници за град Скопје, Чедо Николовски рече оти ова е време на афирмација на вистинските вредности на изворната социјалдемократија, како и дека неговата партија е вистинската левиза во земјава.
– Ние во СДУ сакаме да ве поттикнеме обединети да тргнеме напред. Ние сакаме да ја промениме оваа практика на лажни вредности, на илузии, на разединување и раслојување по сите основи на политика и без алтернативност. Овие избори се и време и метод заеднички да ја преземеме иницијативата. Овој моментум е вистинско време за нашата преобразба. СДУ е единствената граѓанска демократска партија во Македонија. За разлика од другите кои само ги делеа граѓаните ние веруваме во обединување, веруваме во демократијата, а посебно во внатрепратиската демократија, рече Николовски.
Пред присутните на вечерашнава конвенција носителот на листа на советници за Битола Клаудија Лутовска постави прашање дали партија која мисли на два милиони Македонци е мала партија.
– Дали за луѓето во Македонија има гласачко тело и бројка или тоа се индивидуи? За СДУ во Република Македонија луѓето се индивидуи. Тоа се 2 милиони луѓе на Македонија, нејзини граѓани, државјани за кои таа треба да се грижи и за којашто тие треба да придонесуваат да одиме сите заедно напред. Колективната свест можеби недостасуваше до овој момент, но ова е момент на прибирање на свеста на граѓанинот, моќта на граѓанинот, моќта на оној кој што живее во село и на оној кој што живее во град. Токму таква е нашата програма за овие избори, рече Лутовска.
СДУ на мартовските локални избори учествува со триесетина кандидати за градоначалници и педесетина советнички листи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
