Денеска од 17 часот ќе се одржи бесплатна велосипедска прошетка до Римскиот водовод во Скопје. Прошетката е организирана во рамките на Европската недела на мобилност и цели да ја подигне свеста на граѓаните на Скопје за можноста да го користат својот велосипед како средство за забава.
Прошетката ќе почне од пунктот за изнајмување на велосипеди, лоциран пред Воената болница во Скопје. На тој начин тие што сакаат да дојдат, а немаат велосипед, ќе може да изнајмат еден од градскиот систем за изнајмување велосипеди. Учесниците треба да си понесат нешто за пиење и јадење, бидејќи таму ќе може да се направи краток пикник, додека им се објаснува за значењето и историјата на водоводот.
Крајот на прошетката е предвиден за 19 часот. По тоа учесниците се повикани да продолжат на отварањето на Балканскиот велосипедски фестивал на Плоштад Македонија.
Велосипедската прошетка е во организација на платформата за велосипедски тури и водичи во Македонија во соработка со Здружението на граѓани 4 елементи, а поддржана од Град Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
