Обединетите нации застануваат на чело на напорите против еболата

Генералниот секретар на Обединетите нации Бан Ки-мун најави дека ОН ќе преземат раководна улога во борбата против епидемијата на ебола во Западна Африка.

Генералниот секретар и директорот на Светската здравствена организација Маргарет Чен ќе го објават меѓународниот план денеска, на вонредниот состанок на Советот за безбедност на Обединетите нации.

Советот денес треба и да гласа за американската-нацрт резолуција што ги повикува земјите-членки итно да испратат помош, монтажни болници и здравствени работници во погодените земји и да ги укинат ограничувањата за патување во областа.

Првиот човек на ОН најави дека Генералното собрание следната недела ќе одржи и состанок на „високо ниво“ за ситуацијата. Тој рече дека еболата е „експоненцијална криза што бара исклучитечен глобален одговор“.

„Ако секој ден само одлагаме, цената и страдањето ќе се множат. Не можеме да дозволиме да не` забават забраните за патување или транспорт. Потребна е изолација на луѓето заразени со ебола но не на државите што се борат со вирусот“, рече Бан Ки-мун.

Претседателот на САД Барак Обама вчера најави дека иладјници американски војници ќе бидат испратени во Западна Африка за да изградат објекти за изолација и лекување на заразените и центар за обука на здравствените работници.

Од еболата во Западна Африка досега починаа речиси 2.500 лица.