Две лица се повредени во две одделни тепачки што вчера се случија во Тетово.
Првата се случи во текот на вчерашниот ден кога на ул. „Маршал Тито“ 37-годишниот Б.Е. од Тетово физички го нападнал И.Џ.(34) од с. Доброште, Тетовско, удирајќи го со тврд предмет при што му нанел тешки телесни повреди. И.Џ. е пренесен во Клинички центар во Тетово, но поради сериозноста на повредите е префрлен во Клиничката болница во Скопје.
Од страна на полициски службеници Б.Е. е приведен и задржан во ПС Тетово и се преземаат мерки за целосно расчистување на случајот, по што ќе биде поднесен соодветен поднесок.
Исто така, вчера, но на ул. „Илинденска“, откако тетовецот Ј.О. го паркирал патничкото возило „форд транзит“ , на местото дошле две лица со патничко возило „венто“ и почнале расправија со Ј.О, по што дошло уште едно лице, а потоа сите тројца физички го нападнале. Едниот напаѓач го удрил со тврд предмет во пределот на главата, нанесувајќи му рана.
Од преземените мерки е утврдено дека се работи за Б.Р.(24), И.Р.(33) и Ш.Р.(56) сите од Тетово, лицата се повикани во ПС Тетово и се работи за расчистување на случајот.
– See more at: http://moi.gov.mk/ShowAnnouncements.aspx?ItemID=12100&mid=1269&tabId=1&tabindex=0#sthash.mtG49sd9.dpuf
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
