Вечерва промоција на збирката љубовна поезија на актерот Драган Спасов-Дац

Вечерва во 20 часот, во кафе барот „Мистер Џек” во Скопје ќе се одржи промоција на збирката љубовна поезија на познатиот македонски драмски актер Драган Спасов -Дац со наслов „До 101 и назад”.

Промоцијата е отворена за сите вљубеници во добриот љубовен збор, кои ќе можат да слушнат стихови во кои Дац успева на неверојатен начин да ја соголи својата душа пред читателите. За оваа извонредна поезија ќе говорат Томислав Османли и Венко Андоновски.

Издавачот „Фондација МАКЕДОНИКА” www.makedonika.mk се обиде ова дело да го спакува во досега невиден и невообичаен облик. Овој пат книгата не е само книга туку предмет што се сака, сувенир, украс, парче душа… Интересно е што првиот тираж нема воопшто да се појави во продажба туку секој што ќе сака да го има ќе мора вечерва да дојде во „Мистер Џек”.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.