Пробиена браната во неготинското село Липа

Пробиен е дел од браната во селото Липа, Неготинско, и постои опасност целосно да попушти, што може да предизвика катастрофални последици, човечки жртви и поплава врз околните земјоделски површини, алармираат од месната заедница и Здружението на граѓани од селото Липа. Проблемите со браната настанале како последица од поројните дождови.

За проблемот се информирани локалната самоуправа, комуналниот инспектор, Центарот за управување со кризи и Подрачната единица на Министерството за земјоделство, шумарство и водостопанство.

Жителите од селото Липа се иселени, но постојано го посетуваат, а особено оние што имаат обработливи земјоделски површини. Мал е бројот на оние што живеат во селото цела година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.