Бунтовници од Курдската работничка партија (ПКК) киднапирале 10 деца во округот Муш, во источниот дел на Турција.
Триесетмина вооружени борци на ПКК ноќта во неделата влегле во селото Чатекле и им наредиле на жителите да се соберат пред селската џамија. Тие соопштиле дека ќе земат со себе 10 деца на возраст меѓу 12 и 15 година, меѓу кои и едно девојче. Бунтовниците изјавиле дека децата ќе бидат обучувани за борци на ПКК.
Гувернерот на округот, Ведат Бјукерсој истакна дека за случајот е започната истрага.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
