Првата делница од проширениот и реконструиран булевар „Трета македонска бригада“ во Општина Аеродром денеска ќе биде пуштена за сообраќај.
Градежните активности за проширување и обнова на улицата „Трета македoнска бригада“ со коишто таа прераснува во булевар почнаа во октомври лани. Реконструкцијата се одвива од крстосницата со булеварот „Србија“ до крстосницата со улицата „Никола Карев“. Градежните работи во првата фаза го опфатија делот до улицата „Фрањо Клуз“.
Со проширувањето на првата делница долга 1.243 метри, се добиават четири коловозни ленти, по две во секоја насока и средишно зеленило.
Градот Скопје, според најавата, во проширувањето и обновата на „Трета македонска бригада“ вложува 133 милиони денари.
На свеченоста е најавено присуство на градоначалникот на Град Скопје Коце Трајановски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
