Артилериски оган во источниот дел на Маријупољ

Продолжен артилериски оган се чул доцна синоќа во Маријупољ во источниот дел на Украина, јавија западните медиуми, повикувајќи се на очевидци. Тоа е прво кршење на примирјето постигнато пред помалку од 24 часа во Минск.

Според локалното население индустриска хала, камион и бензинска станица биле во пламен во источниот приморски град Маријупољ со околу 500.000 жители на Азовското Море.

– Извршен е артилериски напад, немаме информации за жртви, изјави анонимен украински офицер.

Договорот за прекин на огнот во Источна Украина потпишан е во петокот во Минск и стапи во сила во 18 часот по локално време. Договорот е потпишан од претставници на Украина и самопрогласените Доњецка и Луганска Народна Република.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.