Светското првенство во кошарка од денеска до 14 септември ќе се одржува во Шпанија.
Натпреварите од првата фаза ќе се играат во четири градови (Гранада, Севиља, Билбао и Гран Канарија), додека елиминациските натпревари ќе се играат во Барселона и во Мадрид. Финалето е закажано за 14 септември во Мадрид.
Во првата фаза од натпреварите 24-те репрезентации се поделени во четири групи по шест селекции. Четирите првопласирани од секоја група ќе продолжат во нок – аут фазата (осминафинале).
Денеска на првиот ден на шампионатот се играат натпревари во сите групи, а двојките се: Египет – Србија, Франција – Бразил, Иран – Шпанија (А група); Хрватска – Филипини, Порторико – Аргентина, Грција – Сенегал (Б група), Украина – Доминиканска република, Нов Зеланд – Турција, САД – Финска (Ц група), Ангола – Јужна Кореа, Австралија – Словенија и Мексико – Литванија (Д група).
Титулата светски шампион ја брани селекцијата на САД
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
