Македонија ќе произведува суво грозје

Македонија ќе го надминува пласманот на грозје со производство на сушено грозје. Федерацијата на фармери иницира проект со кој ќе се испитуваат можностите за тој тип производство.

-Мислам дека ќе имаме и ќе има позитивни импликации како за лозаропроизводството, лозарите, фирмите, приватниот сектор, така  и за Република Македонија со што ќе се надмине еден горчлив проблем околу обезбедувањето на пласманот на грозјето- вели Никола Стаменов, претседател на ФФРМ.

Во проектот се користат искуствата на турскиот земјоделски специјализиран инститит за грозје од Текердаг.

-Имаме нови сорти грозје со кои ќе експериментираме во делот на производството за суво грозје. Како институција сакаме да ги споделиме со федерацијата и со земјоделците во Македонија во делот од нашите искуства, нашата технологија и сите информации и податоци- посочува Мехмет Ѓулџу од институтот Текердаг.

Во септември претставници од институтот ќе посетат дел од лозовите насади во Македонија. При тоа ќе се сретнат и со претставинци на компаниите кои се занимаваат со производство на грозје и вино,  но и со индивидуални лозаропроизводители за да им бидат презентирани искуствата и резултатите добиени од повеќегодишните истражувања поврзани со производството на суво грозје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.